مصطفى دحلب - برج باريس الثاني - تعرف على الجزائري و طريقه نحو المجد

مارس 20, 2022 - 10:53
0

كي نحكيو على افضل اللاعبين في التاريخ اللي فاتوا على ال psg بالطبع راح نبداو مصطفى دحلب اللي يعتابروه كبرج ثاني في باريس ... نفس اللاعب اللي قال عليه المدرب الفرنسي رايمون دومينيك انه كان حتى من زلاتان ايبراهيموفيتش و هنا يبين قيمة الجزائري وقتها زاد مصطفى عام 1952 في مدينة بجاية شرق العاصمة... وسط عائلة متوسطة المستوى المعيشي ... و البداية ديالو مع كرة القدم كانت كيف كل الجزائريين اللي عاشوا تحت ضغط الاستعمار انذاك ... و في سن التاسعة من عمره راح لفرنسا و التحق بنادي سيدان اللي تدرج مع كل فئات العمرية ديالهم حتى لحق الى الاكابر.... لكن في 1971 رجع مصطفى للجزاير من اجل تادية الخدمة الوطنية و لتم وقع عقد مع شباب بلوزداد بحيث لعب معاهم عامين و رجع من جديد عام 1973 لناديه سيدان ... اللي زاد معاهم موسم واحد قبل ما يروح للpsg و هنا بدات الحكاية نتاعه اللي كتبها باحرف من ذهب ... و بين المستوى الكبير اللي عنده و الحس التهديفي للي خلاه يكون من بين افضل هدافين النادي عبر تاريخ ا بواقع 98 هدف من 306 مباراة ... بلا ما ننساو تحقيقه لجائزة افضل لاعب غير محلي في فرنسا عام 1977 هذا كان على الصعيد الشخصي ... اما جماعيا توج بزوج كؤوس فرنسا على التوالي عامين 82 و 83 ضد كل من سانت ايتيان و نجهمه بلاتيني... وبعدها كونطر نانت بطل الدوري وقتها ... ليخرج عام 1984 من نادي باريس بعدها كاحد الاساطير و انتقل الى الليغ 2 بالتحديد نادي نيس اللي صعد معاهم الى الليغ 1 في نهاية الموسم... بحيث لعب 19 مباراة و سجل 3 اهداف... و يختتم المسيرة نتاعه في نفس الموسم .... هذي كانت مسيرة دحلب مع الاندية اما مع المنتخب الجزائري ماكانتش بنفس النجاح حيث لعب لفترة ما بين 1974 و 1982 شارك في 20 مباراة و سجل 6 اهداف برك و حقق معاهم المركز الرابع في كأس افريقيا سنة 1982... نفس العام اللي شارك فيه مع ايضا في كأس العالم اللي لعبوها فاسبانيا و فالاخير هذه هي رحلة مصطفى من القاع إلى القمة و قصة نتاعنا نقدروا نترجموها برحلة كفاح و حب للوطن ....